तिम्रो त्यो मायाँमा पल्की आउलान कोहि
आगो जस्तै लपक्क सल्की आउलान कोहि।
होस् गर है जवानीको रुपैले तान्ला नि फेरि
वैंसले तिमी तिर ढल्की आउलान कोहि।
कहाँ गर्न सकिन्छ र भर बिश्वास मान्छेको नि
जुनेली रातमा जुन झै टल्की आउलान कोहि।
ख्याल गर जोवान पनि समालेर राख न ल
नाई नास्ती गर्दा पनि छल्की आउलान कोहि।
तिम्रो त्यो मायाँमा पल्की आउलान कोहि
आगो जस्तै लपक्क सल्की आउलान कोहि।
टेकुलाल चौधरी,शान्तिनगर ७ बुराडाबर (दाङ)
साभारः अग्रिम साप्ताहिक
लाइभदाङ । २६ फाल्गुन २०७८, बिहीबार ०९:१८ बजे