तुलसीपुर, ७ मंसिर । दाङको तुलसीपुरबाट ८ जुवाडे पक्राउ परेका छन् । विहीबार राति ११ बजेतिर तुलसीपर १० पढ्ढाबाट एक लाख ११ हजार ७ सय १० रुपैँयासहित जुवाडेलाई पक्राउ गरिएको हो ।
पक्राउ पर्नेमा तुलसीपुर उपमहानगरपालिका– ६ निवासी ५९ वर्षीय चेतलाल बुढाथोकी, ४० वर्षीया जीवराज डाँगी, तुलसीपुर –१२ निवासी ५६ वर्षीय तिलक केसी, ४३ वर्षीय फिरु चौधरी, तुलसीपुर –१० निवासी ४ वर्षीय किरण प्रसाद बम, सुदन वली , २९ बर्षीय तिलकराम चौधरी, ४५ बर्षीया कर्ण चौधरी रहेका छन् ।
इलाका प्रहरी कार्यालय तुलसीपुरका प्रहरी निरीक्षक प्रकाश थापाका अनुसार चेत लाल बुढाथोकीले स्थानीय पत्तु चौधरीको घरको कोठा भाडामा लिएर जुवा खेलाइरहेको भन्ने सूचनाका आधारमा पक्राउ गरिएको हो ।
लाइभदाङ । ७ मंसिर २०८१, शुक्रबार १९:३९ बजे