दाङ, १३ कात्तिक ।
दाङमा टिप्पर र मोटरसाइकल एक आपसमा ठोक्किदा एक जनाको मृत्यु भएको छ।
लमही–भालुवाङ सडक खण्ड अन्तर्गत राप्ती गाउँपालिका–५ दोलाईखोला पुल नजिकै रा १ ख १९९८ नम्बरको टिप्पर र बा ६५ प ६६३३ नम्बरको मोटरसाइकल एक आपसमा ठोक्किदा मोटरसाइकल चालकको मृत्यु भएको ईलाका प्रहरी कार्यालय भालुबाङले जनाएको छ।
मृत्यु हुनेमा मुगु जिल्ला स्वरू गाउँपालिका-६ का अन्दाजी वर्ष २५ वर्ष चित्रबहादुर शाही रहेका छन। गम्भीर घाइते भएका शाहीलाई उपचारका लागि सिसहनियाँ स्वास्थ्य चौकीमा लिए लगत्तै डाक्टरले मृत घोषणा गरेको ईलाका प्रहरी कार्यालय भालुबाङका प्रमुख प्रहरी निरीक्षक अमर बहादुर माझीले बताए।
टिप्पर र चालकलाई इलाका प्रहरी कार्यालय भालुवाङले नियन्त्रणमा लिई थप अनुसन्धान गरिरहेको प्रहरी निरीक्षक माझीले बताए।
लाइभदाङ । १३ कार्तिक २०८१, मंगलवार १८:१४ बजे