तुलसीपुर
१३ भदौ / दाङमा अटो रिक्साले मोटरसाईकललाई ठक्कर दिदा चार जना घाइते भएका छन् । तुलसीपुरबाट सिमलकुना जाँदै गरेको रा ५३ प ५६०० नम्बरको मोटरसाईकललाई पछाडिबाट जादै गरेको रा १ ह ३९५२ नम्बरको अटोरिक्साले शान्तिनगर–७ खैरेनीमा ठक्कर दिदा एकै घरका चारजना घााईते भएका हुन ।
आज विहान साढे ७ बजेतिर भएको उक्त दुर्घटनामा बबई गाउँपालिका–७ सिमलकुना निबासी मोटरसाईकल चालक २८ बर्षका विनोद बुढाथोकी, उनकी श्रीमती २४ बर्षीया पवित्रा बुढाथोकी, चार बर्षकी छोरी सानवी बुढाथोकी र आमा ४५ बर्षकी चन्द्रकला बुढाथोकी घाइते भएको ईलाका प्रहरी कार्यालय तुलसीपुरका प्रहरी नायब उपरीक्षक श्यामु अर्यालले जानकारी दिए ।
अटोरिक्सा र चालकलाई खिलतपुर प्रहरीले नियन्त्रणमा लिएको छ । मोटरसाईकलमा चारजना सवार थिए ।
लाइभदाङ । १४ भाद्र २०७८, सोमबार ०९:१३ बजे