KHARKIV, UKRAINE - MARCH 02: (----EDITORIAL USE ONLY â MANDATORY CREDIT - "STATE EMERGENCY SERVICE OF UKRAINE / HANDOUT" - NO MARKETING NO ADVERTISING CAMPAIGNS - DISTRIBUTED AS A SERVICE TO CLIENTS----) A view of damaged regional police station building after a Russian missile attack in Kharkiv, Ukraine on March 2, 2022 . (Photo by State Emergency Service of Ukraine/Handout/Anadolu Agency via Getty Images)
काठकाडौं १८ फागुन ।
रुसी सेनाले युक्रेनका ठूला शहरमा बम र गोलाबारी तीव्र पारेको छ । दोस्रो ठूलो शहर खार्किभमा भएको बमबारीमा परी कम्तिमा २१ जनाको ज्यान गएको छ ।
युक्रेनका अधिकारीले राजधानी किएभ र खार्किभसहितका शहरमा रुसले बम र गोलाबारीलाई तीव्रता दिएको बताएका छन् । खार्किभमा रुसी सेनाले गरेको बम र गोलाबारीमा कम्तिमा २१ जना मारिएको उक्त शहरमा गभर्नर ओले सिनेहुबोभले बताए । एक सय १२ जना घाइते भएको पनि उनको भनाइ छ ।
यता किभएको टेलिभिजन टावरमा आक्रमण हुँदा कम्तिमा पाँचजनाको मृत्यु भएको छ । टेलिभिजनको कन्ट्रोल रुम र पावर सबस्टेशनलाई रुसी सेनाले लक्षित गरेको अधिकारीहरूको भनाइ छ । त्यस्तै, युक्रेनी गृह मन्त्रीका एक सल्लाहकारले जाइटोमिर शहरको मानव वस्तीमा क्रुज मिसाइल प्रहार हुँदा चार जनाको मृत्यु भएको छ ।
‘हालसम्म एक बालकसहित चार जनाको मृत्यु भएको छ’, गृह मन्त्रीका सल्लाहकार एन्टो हेराशचेन्कोले भने । रुसले हमलाको सातौं दिन खार्किभमा प्यारासुटमार्फत् विशेष फौज ओरालेको युक्रेनको सेनाले जनाएको छ ।
रुसका प्यारा ट्रुपर अवतरण भएपछि लडाइँ सुरु भएको बताइएको छ । झण्डै १४ लाख जनसंख्या भएको उक्त शहरलाई रुसले बिहीबारदेखि नै निशाना बनाउँदै आएको छ ।
यसैबीच, रुसी सेनाले दक्षिण युक्रेनस्थित खेर्शन शहरलाई कब्जा गरेको बताएको छ । तर शहरका स्थानीय अधिकारीले कब्जा नभएको तर रुसी सेनाको घेराबन्दीमा परेको बताएका छन् ।
लाइभदाङ । १८ फाल्गुन २०७८, बुधबार १४:५४ बजे