दाङ, २८ कात्तिक । दाङमा बसको ठक्करबाट मोटरसाइकल चालक घाइते भएका छन् । घाइते हुनेमा रूकुम चौरझारी नगरपालिका १० निवासी २५ वर्षीय प्रदिप खत्री रहेका छन् ।
खत्रीलाई बुधबार बिहान पौने १० बजेको समयमा काठमाडौँदेखि सुर्खेत जाँदै गरेको क. प्र.२००१ ख ०८२३ नम्बरको बसले सिसहनियाँ बजारमा बाटो काट्ने क्रममा ग २३ प ६७९१ नम्बरको मोटरसाइकललाई ठक्कर दिएको थियो । घाइते खत्रीको अहिले सिसहनियाँ स्वास्थ्य चौकीमा उपचार भइरहेको छ ।
लाइभदाङ । २८ कार्तिक २०८१, बुधबार १५:०१ बजे