दाङ, २३ असोज । दाङमा जुवा खेलिरहेको अवस्थामा ५ जना पक्राउ गरेका छन् । पक्राउ पर्नेमा रोल्पाको परिवर्तन गाउँपालिका २ का २८ वर्षिय हिमाल वली, दाङको घोराही उपमहानगरपालिका वडा नम्बर १२ का ३३ वर्षिय जीवराज रावत, घोराही ९ का ३७ वर्षिय केशव शाह, घोराही १३ का ३० वर्षिय सुर्य बोहरा र बंगलाचुली गाउँपालिका वडा नम्बर ३ का ३० वर्षिय केदार परियार रहेको जिल्ला प्रहरी कार्यालय दाङले जानकारी दिएको छ ।
प्रहरीले मंगलबार दिउँसो ४ बजेतिर तुलसीपुर उपमहानगरपालिका वडा नम्बर १९ को कुटिचौर शान्ति कर्मकोट सामुदायिक बनमा जुवा खेलिरहेको अवस्थामा पाँच जनालाई नगदसहित पक्राउ गरेको हो । पक्राउ परेका उनीहरुको साथबाट प्रहरीले नगद ७० हजार १ सय १० नगदसहित तासको गड्डी ६ थान बरामत गरेको छ ।
लाइभदाङ । २३ आश्विन २०८१, बुधबार २१:३८ बजे