तुलसीपुर, ६ असार । दाङमा महिलाको घाटी थिचेर हत्या गर्ने एकजनालाई प्रहरीले पक्राउ गरेको छ । पक्राउ पर्नेमा जिल्लाको घोराही उपमहानगरपालिका–८ बेलुवाका ४६ वर्षीय बालाराम चौधरी रहेको जिल्ला प्रहरी कार्यालय दाङका प्रवक्ता तथा डीएसपी जनक बहादुर मल्लले जानकारी दिनुभयो ।
उहाँका अनुसार जेठ १७ गते आफ्नै घरभित्र मृत फेला परेकी सोही ठाउँकी ५० वर्षीया प्यारी चौधरीको घाटी थिचेर हत्या गरेको आरोपमा उनलाई पक्राउ गरिएको हो । मृत भेटिएकी चौधरीको शव परिक्षणबाट घाटी थिचेर हत्या भएको खुल्न आएपछी बालारामलाई हिजो बुधबार पक्राउ गरि अनुसन्धान सुरु गरिएको डीएसपी मल्लले बताउनुभएको छ ।
लाइभदाङ । ७ असार २०८१, बिहीबार २२:३१ बजे