दाङ, १७ पुष ।
दाङ चेम्बर अफ कमर्शको आयोजनामा घोराहीमा लुम्बिनी प्रदेशस्तरीय दाङ एक्स्पो–२०८० हुने भएको छ । चेम्बरले सोमबार घोराहीमा पत्रकार सम्मेलनको आयोजना गरेर प्रदेशस्तरीय एक्स्पो बारेमा जानकारी दिएको हो ।
आगामी माघ २५ गतेदेखि फागुनको ९ गतेसम्म घोराही उपमहानगरपालिका–१४ झिगौंरामा प्रदेशस्तरीय एक्स्पो संचालन गर्न थालिएको दाङ चेम्बर अफ कमर्शका अध्यक्ष विकास अग्रवालले जानकारी दिएका छन् । पछिल्लो समय आर्थिक गतिविधि चलायमान बनउँदै स्थानीय रुपमा उत्पादित कृषि,जडिबुटीलगायतका सामग्रीको बजारीकरणका लागि प्रदेशस्तरीय एक्स्पोको आयोजना गर्न थालिएको जानकारी दिएका हुन । उनले एक्स्पोमा ५० बढी स्टलहरु जिल्लाको कृषि,जडिबढीलगायत स्थानीय उत्पादनको बजारीकरणका लागि निशुल्क रुपमा प्रदान गरिने जानकारी दिएका हुन ।
एक्स्पोबाट संकलित रकमले चेम्बरको आफ्नै भवन निर्माणमा लगाउने योजना समेत रहेको उनले बताएका छन । एक्स्पोमा जिल्लास्थित उद्योगी, व्यवसायीहरुलाई विशेष प्राथमिकता दिएर स्टलमा पनि विशेष छुट गरिएको उनको भनाई थियो । एक्स्पो संचालन गर्ने विषयम निर्णय भएको बताउँदै अब विभिन्न विषयगत समिति गठन गरी कार्यविभाजन गर्ने तयारी रहेको जानकारी गराएका हुन ।
लाइभदाङ । १७ पुष २०८०, मंगलवार १२:५३ बजे