राजेश वली
दाङ, १६ मंसिर । दाङको तुल्सीपुर ८ कट्कुइयामा रहेको समाज सुधार युवा क्लबले आयोजना गरेको प्रथम भाले कप फुटसल प्रतियोगिताको उपाधी नमस्ते नेपाल युवा क्लब तुलसीपुर ९ बेलुवाले हात पारेको छ । उपाधी सङ्गै क्लबले प्रमाणपत्र, मेडल सहित भाले जितेको हो ।
यस्तै प्रतियोगितामा दोश्रो स्थान भने गोरखा क्लब तुलसीपुरले हात पारेको छ । दोश्रो स्थान हात पारेको गोरखा क्लब तुलसीपुर मेडल सहित प्रमाणपत्रमा चित्त बुझाउन बाध्य भयो । तुलसीपुर क्षेत्रका ८ क्लबले प्रतिनिधित्व गरेको यस प्रतियोगितामा १७ बर्ष मुनिका बाल खेलाडीलाई समाबेश गरिएको थियो ।
यस्ता खालका प्रतियोगिताले बालबालिकाको शारीरिक बिकास संगै भोलीको लागि देशको राम्रो खेलाडी निमार्ण हुने अपेक्षाका साथ खेलको आयोजना गरिएको क्लबका खेल संयोजक संगित रेउलेले जानकारी दिनुभयो ।
सार्बजनिक खेलमैदान नहुदा भोलीका नयाँ पिढी, नयाँ खेलाडी कसरी समाज बाट बाहिर ल्याउन सकिएला भन्ने पिर बढेको क्लबका अध्यक्ष दुर्गा प्रसाद डिसीले बताउनुभयो ।
कट्कुइया जस्तो खेलाडी उर्वर भूमिमा खेल मैदान नहुनु दुखद रहेको बताउदै छिटो भन्दा छिटो यस तर्फ ध्यानाकर्षण हुन सरोकारवालालाई अपिल समेत गर्नु भयो ।
लाइभदाङ । १६ मंसिर २०८०, शनिबार २०:५३ बजे