तुलसीपुर, २४ मंसिर । गोरखा माबि तुलसीपुरमा कक्षा १२ मा ब्यबस्थापन शंकायमा अध्ययनरत विद्यार्थीहरुले घोराही ५ धारापानी स्थित पाण्डवेश्वर मन्दिर अवलोकन गरेका छन् ।
शैक्षिक अवलोककन भ्रमणका रुपमा विद्यार्थीहरुले अवलोकन गरेका हुन् । त्यस अवसरमा विद्यार्थीहरुले मन्दिरको अध्ययन गरेका थिए । गोरखा मावि, तुलसीपुरका व्यवस्थापन संकाय संयोजक डम्बर डाँगीको अध्यक्षता तथा मन्दिर व्यवस्थापन समितिका अध्यक्ष गणेश अधिकारीको प्रमुख आतिथ्यमा कार्यक्रम समेत भएको थियो ।
त्यस अवसरमा मन्दिर व्यवस्थापन समितिका सदस्य धनपति शर्माले मन्दिरको ऐतिहासिक तथा धार्मिक महत्वका बारेमा प्रष्ट पारेका थिए । गोरखा मावि तुलसीपुरका व्यवस्थापन संकाय सहसंयोजक थम्मन जीएमले स्वागत मन्तब्य ब्यक्त गरेको कार्यक्रमको सहजीकरण निमावि संयोजक पूर्णविक्रम डाँगीले गरेका थिए ।
उक्त कार्यमा कक्षा १२ का २१३ जना विद्यार्थी सहभागि थिए । अवलोकन पश्चात विद्यार्थीहरुले त्यसको प्रतिवेदन तयार पार्नेछन् ।
लाइभदाङ । २४ मंसिर २०७९, शनिबार २१:२१ बजे