लक्ष्मण बस्नेत
तुलसीपुर, ५ पुस ।
तुलसीपुर उपमहानगरपालिका वडा नं. १२ अध्यक्ष कप फुटबल प्रतियोगिता २०८१ आज देखि सुरु भएको छ । तुलसीपुर उपमहानगरपालिका वडा नं. १२ को आयोजनामा संचालित प्रतियोगिताको तुलसीपुर उपमहानगरपालिकाका उपप्रमुख स्यानी चौधरीले उद्घाटन गर्नु भएको हो ।
उद्घाटन समारोहलाई सम्बोधन गर्दै उपप्रमुख चौधरीले स्वास्थ्यको मुख्य मेरुदण्ड खेलकुदको पहुँच ग्रामीण स्तरसम्म पुर्याउन आफू लागि परेको बताउनु भएको छ । खेलकुदलाई शिक्षा जत्तिकै महत्त्वमा राखिनु पर्छ भन्ने सोच उपमहानगरपालिकाको छ हामी वडा स्तरबाट ग्रामीण स्तरको खेलकुदलाई माथी उठाउन लागि परेका छौ उहाले भन्नूभयो। साथै उहाले वडा अध्यक्ष कप मार्फत स्थानिय स्तरमा खेलकुदको पहुँच सबैमा पुग्ने भएकाले यसलाई अझ फराकिलो बनाएर लैजाने सोचमा उपमहानगर रहेको समेत बताउनु भयो ।
वडा अध्यक्ष खुसिराम चौधरीको अध्यक्षतामा भएको कार्यक्रममा दाङ जिल्ला खेलकुद विकास समितिका पुर्व अध्यक्ष डिल्ली बहादुर डाँगी,दाङ जिल्ला फुटबल संघका महासचिव लक्ष्मण बस्नेत,जसपुर प्रहरी चौकीका ईन्चार्ज भरतनाथ योगी,समाजसेवी तेज बहादुर वली,खेलप्रेमी युवराज केसी लगाएतले शुभकामना मन्तब्य ब्यक्त गर्नु भएको थियो ।
वडा सदस्य तथा प्रतियोगिताका संयोजक शेषमणि भण्डारीको स्वागत रहेको कार्यक्रमको संचालन वडा सचिव गणेश कुमार आचार्यले गर्नु भएको थियो । यसैबिच आज शुक्रबार सम्पन्न खेलमा कपडादेवी र कचिली फुटबल टिम बिजयी भएका छन् । कपडादेवी कचिला ए लाई १–० गोलले पराजित गर्दै बिजयी भएको हो भने कचिली बि ले कचिला बि लाई ४–० ले पराजित गर्दै बिजयी सुरुवात गरेको हो ।
यसैबिच भोलि बिहान हुने पहिलो खेलमा टरिगाउँ ए र हारिपौरा बि टिम बिच खेल हुनेछ । खेल बिहान ९ बजे बाट सुरु हुनेछ । चार दिनसम्म संचालन हुने प्रतियोगिताको बिजेता,उपबिजेता तथा तृतीय स्थान हासिल गर्ने टिमले क्रमशः नगद ५५,३० र १५ हजार, कप, मेडल तथा प्रमाणपत्र हात पार्नेछन् ।
त्यस्तै प्रतियोगिता अवधिभर उत्कृष्ट खेल प्रदर्शन गर्ने ब्यक्तिगत बिधा तर्फका खेलाडिलाई ट्रफी तथा प्रमाणपत्र प्रदान गरिने प्रतियोगिताका संयोजक शेषमणि भण्डारीले जानकारी दिनु भएकोछ । नकाउट प्रणालीमा खेलाईएको प्रतियोगितामा वडा नं. १२ मा स्थापित टोल विकास संस्थाका ११ टिमको सहभागिता रहेको छ ।
लाइभदाङ । ५ पुष २०८१, शुक्रबार २०:१५ बजे