निराश पान्डे
शान्तिनगर, १९ जेठ ।
शान्तिनगर गाउँपालिका वडा नम्बर दुई स्थित बाघमारे स्वास्थ्य चौकिले नवनिर्वाचित गाउँपालिकाका अध्यक्ष प्रमोद बस्नेत उपाध्यक्ष प्रेमा के.सी र वडा नम्बर दुई बाट निर्वाचित जनप्रतिनिधिहरुलाइ आज एक कार्यक्रमका बिच स्वागत एवं सम्मान गरेको छ। वडा नम्बर दुई का अध्यक्ष सुनिल ओलिको अध्यक्षता एवं गाउँपालिकाका अध्यक्ष प्रमोद बस्नेतको प्रमुख आतिथ्यता र उपाध्यक्ष प्रेमा के.सी को विशिष्ट आतिथ्यतामा भएको कार्यक्रममा नवनिर्वाचित जनप्रतिनिधिहरुलाई टीका र खादा लगाएर सम्मान गरिएको थियो।
कार्यक्रममा प्रमुख अतिथी बस्नेतले आफू निर्वाचित भएर आइ सके पछि चिराघाट स्वास्थ्य चौकीबाट गर्भवती महिलाहरुका लागि निःशुल्क भिडियो एक्सरे सुरु गरि सकेको बताउदै अब अन्य स्वास्थ्य चौकीहरुमा पनि छिटटै भिडियो एक्सरे सेवा संचालनमा ल्याउने बताउनु भयो। कार्यक्रममा स्वास्थ्य्य चौकी प्रमुख इच्क्षा महत, आइ एन एफ कि प्रतिनिधि सुसिला बुढाथोकीले बधाइ मन्तब्य ब्यक्त गर्नु भएको थियो कार्यक्रमको संचालन बिरेन्द्र गिरिले गर्नु भएको थियो।
लाइभदाङ । १९ जेष्ठ २०७९, बिहीबार २१:२६ बजे