रुकुम पश्चिम, ३ जेठ ।
रुकुम पश्चिमको बाँफिकोट गाउँपालिकाको अध्यक्षमा नेपाली कांग्रेस र उपाध्यक्षमा नेकपा माओवादी केन्द्र विजयी भएको छ । अध्यक्षमा नेपाली कांग्रेसका जनककुमार बाँठा विजयी भए । माओवादी केन्द्रका चन्द्रबहादुर केसीलाई ३१ मतको अन्तरले पराजित गर्दै बाँठा अध्यक्षमा निर्वाचित भएका हुन् ।
उनले चार हजार चार सय ५५ मत प्राप्त गर्दा नेकपा माओवादी केन्द्रका केसीले चार हजार चार सय २४ मत प्राप्त गरे । उपाध्यक्षमा भने नेकपा माओवादी केन्द्रकी तारा बुढा केसीले चार सय मतान्तरले जितिन् ।
केसीले चार हजार पाँच सय ६० मत ल्याउदा प्रतिद्धन्दी नेपाली कांग्रेसकी नन्दाकुमारी केसी नाथले चार हजार एक सय ६० मत पाइन् । बाँफिकोटका १० वडामध्ये माओवादीले ८ वडा जित्दा कांग्रेसले २ वडा जितेको छ । कांग्रेसले जितेका २ वडा मध्ये एक वडामा भने एमाले र कांग्रेसको गठबन्धन भएको थियो ।
लाइभदाङ । ३ जेष्ठ २०७९, मंगलवार ०८:५८ बजे