दाङ
२४ साउन / राप्ती गाउँपालिका कृषि विकास शाखाले कृषकलाई सचेत बन्न अनुरोध गरेको छ । राप्ती गाउँपालिका गाउँकार्यपालिकाको कार्यालयका कृषि विकास शाखाका कृषि विकास अधिकृत महेश अधिकारीले कृषि बालीमा मलको प्रयोगका वारेमा एक सुचना मार्फत कृषकलाई सचेत बन्न अनुरोध गरेका हुन् ।
कृषि विकास अधिकृत महेश अधिकारीले कृषकले विभिन्न बालीमा अनियन्त्रीत रासायनिक मलको प्रयोग गर्दा माटोको उर्बरा शक्त्ति घट्दै जाने भनी सजग रहन अनुरोध गरेको हो । कृषि विकास अधिकृत अधिकारीले सकभर रासायनिक मल प्रयोग गर्नु भन्दा कम्पोष्ट मल, गोवर मल प्रयोग गर्न कृषकलाई अनुरोध गर्दै राप्ती गाउँपालिका क्षेत्र भित्रका केहि कृषकहरुले विभिन्न बालीमा रसायनिक मल प्रयोग गर्दा युरीया, डिएपी र पोटासको मात्रा नमिलाई जथाभावी यूरिया मल मात्र प्रयोग गर्ने गरेको पाईएकोले यसबाट भविष्यमा माटोको उर्बरा शक्त्ति ह्रास भई माटो विग्रन जाने र केहि वर्ष पछि उत्पादन नै नहँुने संभावना देखिएकोले रसायनिक मल प्रयोग गर्दा विभिन्न बालीमा बाली विशेष अनुसार मात्रा मिलान गरि डि.ए.पी, युरिया र पोटास तिनै थरी मलखाद प्रयोग गर्नुपर्ने बताईएको छ ।
कृषकले कृषि प्राविधिकको सल्लाह अनुसार मलको प्रयोग गर्दा उत्पादनमा बृद्धि ल्याउन सकिने भन्दै पाएक पर्ने कृषि प्राविधिक संग राय सुझवलिन समेत अनुरोध गरिएको छ ।
लाइभदाङ । २४ श्रावण २०७८, आईतवार २०:२४ बजे