तुलसीपुर
३१ वैशाख / सत्तापक्ष गठबन्धनका तर्फबाट तुलसीपुर उपमहानगरपालिका वडा नं.१२ का वडाध्यक्षका उम्मेदवार खुसीराम चौधरीले मतदातालाई कृतज्ञता ज्ञापन गरेका छन् ।
शुक्रबार भएको निर्वाचनमा आफूलाई मतदान दिने मतदाताहरुलाई कृतज्ञता ज्ञापन गरेका हुन् । साथै निर्वाचनको दौडका क्रममा सहयोग गर्ने काँग्रेस,माओवादी केन्द्र, एकीकृत समाजवादी, जनमोर्चा, जनता समाजवादी पार्टीका बिभिन्न कमिटिका नेता तथा कार्यकर्ताहरु, निर्वाचनलाई शान्त तथा भयरहित बनाउन अहोरात्र खट्ने सुरक्षाकर्मी, निर्वाचनमा खटिनुभएका कर्मचारीहरुलगायत सम्पूर्णमा आभार ब्यक्त गरेका छन् ।
उनले आफूलाई प्राप्त अमूल्य मतको सधै उच्च कदर गरि जनताको सेवामा लाग्ने समेत प्रतिबद्धता जनाएका हुन् ।
लाइभदाङ । ३१ बैशाख २०७९, शनिबार १३:५० बजे