![](https://livedang.com/wp-content/uploads/2021/08/Editoriaql-Agrim.jpg)
घोराही–तुलसीपुर चारलेन निर्माणको काम सुरु भएको तीन बर्ष पुग्नै लाग्यो । तर, काम को प्रगति हेर्दा भन्न पनि लाजलाग्ने अबस्था छ । अहिलेसम्म ६ प्रतिशत भन्दा बढि काम हुन सकेको छैन, भन्दा आफैमा हास्यास्पद विषय छ । दाङकालागि ठूलो प्राजेक्टका रुपमा लिईएको उक्त सकड निर्माणको जिम्मा भारतीय तथ्य ईञ्जिनियरले लिएको छ । उसले पनि पेटी ठेकेदार राखेर काम गरिरहेको छ । सुरुमा अष्ट भैरव कन्ट्रक्सन प्रालिले निर्माणको जिम्मा लिएको थियो । त्यसले केही समय त धमाधम काम गरेको जस्तो देखायो । तर, त्यसको केही समयमा काम ठप्प भयो । त्यसपछि काममा पटक–पटक विलम्ब हुँदै आएको छ ।
केही समय अघि मात्रै अन्य पेटी ठेकेदारले काम सुरु गर्ने गरि जिम्मा दिईएको थियो । उनीहरुले पनि समयमा काम अघि बढाउन सकेका छैनन । समयमा काम अघि नबढ्दा नागरिकले दुःख पाईरहेका छन् । सडक निर्माणको काम बीचमै छोड्दा अस्तब्यस्त छ । दर्जन बढि दुर्घटना भएका छन् । अहिलेसम्म ४ जनाको निधन नै भएको छ । घोराही–तुलसीपुर सडकखण्डमा आवतजावत गर्न निकै कठीनाई हुने गरेको छ । बीचमा सडक र वरिपरि खाल्डा हुँदा दुर्घटनाको जोखिम कम हुन सकेको छैन ।
![](https://livedang.com/wp-content/uploads/2024/06/1.jpeg)
![](https://livedang.com/wp-content/uploads/2024/06/2.jpeg)
![](https://livedang.com/wp-content/uploads/2024/07/add.jpg)
सडक विकासको प्रमुख आधार हो । जहाँ सडक पुग्छ, त्यहाँ विकासको दिलो बल्छ, भन्ने बुझाई छ । घोराही–तुलसीपुर चारलेन भए यहाँको विकासको एउटा इट्टा थपिनेथियो । जहाँ बढि जनताको आक्रमण हुन्छ, त्यहाँ जनताले नै बढि अपेक्षा गरेका हुन्छन् । सडक जनतासंग जोडिएको सडक क्षेत्रको विकासमा जसले विलम्ब गर्छ, त्यसलाई जनताले पनि कारवाही गर्छन् । जनताका मागमा नजर अन्दाज गर्ने हो भने त्यसको परिणाम पक्कै पनि सकारात्मक आउँदन । त्यो कुरा इतिहासले पनि प्रमाणित गरिसकेको छ । अहिलेको एउटा समस्या भनेकै विकास निर्माणमा ढिलाई हो । विकास निर्माणको ढिलाईको एउटा उदाहरण घोराही–तुलसीपुर चारलेन हो । यस्तै धेरै विकास निर्माणका कार्यहरु समयमै पूरा हुँदैनन् । त्यसले गर्दा पनि विकासमा वितृष्णा पैदा हुने गरेको छ । अब पनि यस्तै विलम्ब घोराही–तुलसीपुरमा हुने हो भने जनताले सहने सक्नेछैनन् । अष्ट भैरवका अनुप पाण्डेले ठेक्का छोडेपछि अहिले कसले काम गर्ने हो, भन्ने कुराको पनि टुंगो लाग्न सकेको छैन । अहिले नयाँ पेटी ठेकेदारले काम पाएपछि तत्काल काम सुुरु हुन्छ, भनेको पनि दुई महिना वित्न लागि सक्यो । तर, काम सुरु हुने कुनै सुरसार छैन । यसले जनतालाई कति नोक्सान भएको छ, भन्ने कुरा त आलिसान महलमा बसेर नदेखिएला, त्यसकालागि जनताले गर्ने दैनिक घोराही–तुलसीपुर यात्रालाई नियाल्नु पर्छ नै । जनताले त्यो सडकले निकै मार खेप्नु परेको छ, त्यही सडकले ज्यान समेत लिएको छ, त्यसैले यसलाई बिलम्ब गर्ने काममा कत्तैबाट पनि नहोस् । साभारः अग्रिम साप्ताहिक
लाइभदाङ । २५ माघ २०७८, मंगलवार १०:२० बजे