पछिल्लो समय तुलसीपुरमा कोरोनाको ग्राफ बढिरहेको छ । दैनिक परीक्षण गरेका मध्ये ५० प्रतिशतको हाराहारीमा संक्रमण देखिने गरेको छ । यसले गर्दा तुलसीपुरका विद्यालयहरु मघ ३ गतेसम्मकालागि बन्द गरियो । सबैलाई सचेत रहन आग्रह पनि गरिएको छ । एक हप्तामा एक सय बढि सक्रिय संक्रमित रहेका छन् । अहिले धेरे सभा सम्मेलन, महोत्सवहरु, टूर जानेजस्ता कार्यले कोरोना संक्रमण फैलिरहेको अबस्था छ ।
यस अघि दुईवटा ‘भेरियन्ट’हरु हामीले सामना गरिसकेको अबस्था छ । यी दुई भेरिन्टबाट मानिशले धेरै पाठ सिक्नु पर्ने अबस्था छ । पहिलो पटकमा धेरै मानविय क्षति भएन । जतिबेला मानिशले निकै सचेतना अपनाईएको थियो । तर, दोस्रो भेरियन्टको बेला धेरै मानबिय क्षति भयो । अक्सिजन पाउने अबस्था पनि रहेन । बाहिरी जिल्लाबाट अक्सिजन ल्याउनु पर्ने अबस्था थियो । अब फेरी मुलुकमा तेस्रो भेरियन्ट भेटिसकेको अबस्था छ । अब पनि उच्च सर्तकता अपनाउनु पर्ने बेला आएको छ । विगतमा हाम्रै लापरवाहीले कोरोना संक्रमण व्याप्त भएको थियो । अहिले अधिकांसले खोप लगाईसकेको अबस्था पनि छ । तर, खोप लगाएकाहरुलाई पनि लक्षणसहितको कोरोना देखिएको अबस्था छ । त्यसैले सचेत हुनुपर्ने अबस्था छ ।
अब कोरोना संक्रमण न्यूनिरकण गर्ने निकाय पनि उतिकै जिम्मेवार हुन आबश्यक छ । पूर्व तयारीमा बिशेष ध्यान दिनुपर्छ । पूर्व तयारीमा ध्यान नदिने तर, जति बेला आबश्यक पर्छ, त्यसपछि मात्रै सक्रिय भएको जस्तो गर्ने प्रबृतिले धेरै मानबिय क्षेति ब्यहोर्नुपर्ने अबस्था आएको थियो । अब तेस्रो भेरियन्टको सामना गर्नुपर्ने अबस्थामा त्यही समस्या नदोहोरीयोस्, यसमा सचेत हुनुपर्छ । भित्रिएपछिका गतिबिधि भन्दा भित्रिन नदिने तर्फ हामीले ध्यान दिनुपर्छ । दाङ भारतीय नाकासंग सिमाना जोडिएको जिल्ला पनि हो । जति भारतमा संक्रमितको संख्या बृद्धि हुन्छ, त्यति नै नेपालमा प्रभाब पार्ने गर्छ, त्यसैले यातायात क्षेत्रमा अलि धेरै सजकता अपनाउनु पर्ने देखिन्छ । धेरै भीडभाड हुने क्षेत्र बन्द गर्ने तथा अनाबश्यक भीडभाड गर्न दिनुहुँदैन । नागरिक पनि आफ्नो स्वास्थ्यमा आफै ख्याल राख्न आबश्यक छ ।
लाइभदाङ । २८ पुष २०७८, बुधबार १०:४७ बजे