प्रिया स्मृति गजमेर
लमही, २८ भदौ ।
जेनजी आन्दोलनको मौका छोपेर विभिन्न कारागारबाट फरार भएका १६ जना कैदीलाई वडा प्रहरी कार्यालय लमहीले पक्राउ गरेको छ।
बाल सुधार गृह नौवस्ता, बाँकेबाट ८ जना, तुलसीपुर कारागारबाट ५ जना, केन्द्रीय कारागार सुन्धाराबाट २ जना र रुकुम पश्चिम कारागारबाट १ जना गरी कुल १६ जना कैदी पक्राउ परेका वडा प्रहरी कार्यालय लमहीका प्रमुख प्रहरी निरीक्षक रोशन राज पाण्डेयले जानकारी दिए।
पक्राउ परेकामध्ये ८ जनालाई तुलसीपुर कारागार पठाइएको छ भने बाँकी ८ जनालाई बाल सुधार गृह नौवस्ता, बाँके पठाउने तयारी भइरहेको प्रहरी निरीक्षक पाण्डेयले बताए। आन्दोलनको अवसरमा फरार भएका कैदीलाई प्रहरीले क्रमशः पक्राउ गरी पुनः कारागारमै पठाउने कार्य भइरहेको प्रहरीले जनाएको छ।
लाइभदाङ । २८ भाद्र २०८२, शनिबार १२:५६ बजे