भर्खरै तुलसीपुर खानेपानी उपभोक्ता तथा सरसफाई संस्थाको निर्वाचन सम्पन्न भएको छ । यो निर्वाचनबाट यहाँका राजनीतिक दलहरुले सामाजिक संघसंस्थाहरुमा एकजुट भएको सन्देश दिन चहान्थे । सामाजिक संघ संस्थाको सन्दर्भमा राजनीतिक दलहरु एक भएमा यसले सकारात्मक प्रभाब पनि पार्छ । तर, राजनीतिक दलहरुको यो अभ्यास अन्नतः सफल हुन सकेन । कुनै पनि यो कुरा राजनीतिक दलहरुकै नेतृत्वले स्वीकार गर्न सकेनन् । अध्यक्षको भाग काँग्रेसलाई परेको थियो । तर काँग्रेसमै पनि काँग्रेसकै नेताले बागी उम्मेदवार हाले । त्यति मात्रै होईन्, जिम्मेवार नेताहरुले बागी उम्मेदवारकै खुलेरै प्रचारमा लागे । यसले आम रुपमा राजनीतिक सहमतिलाई त्यतिधेरै स्वीकार गरेको देखिदैन। तर, सामाजिक संघसंस्थाहरुको सन्दर्भमा राजनीतिक दलहरु एकजुट हुँदा त्यसले सकारात्मक प्रभाब नै पार्छ ।
भनिन्छ, सामाजिक संघसंस्थामा राजनीतिक हस्तक्ष हुनुहुँदैन । राजनीतिक हस्तक्षपन नहुन पनि राजनीतिक सहमति चाहिन्छ । खानेपानीमा निर्वाचन भएको अबस्थामा पनि छुट्टै सामाजिक संस्थाका लागि प्यानल हुँदैनन् । राजनीतिक दलहरुकै प्यानल हुने गर्छन् । त्यही राजनीतिक दलहरुभित्रकै उम्मेदवार नेतृत्वमा जाने हुन् । राजीनिक दलहरु–दलहरुबीच प्रतिस्पर्धा हुने कुरा हो । त्यसमा एक राजनीतिक दलहरुले जितेमा अन्य राजनीतिक दलहरुलाई संस्थाले सहयोगको दृष्टिले हेर्दैन्, उल्टो बदलावको भावनाले हेर्छ । हारेको राजनीतिक दलले पनि जितेको दललाई सहयोग गर्ने भन्दापनि जसरी हुन्छ, बदनामित बनाउन तिर लाग्छ । त्यसैले यसरी कुनै पनि राजनीतिक दलहरुले आफू हारेको महसुस नगर्ने गरि नेतृत्व चयन गर्ने भनेको राजनीतिक सहमति नै हो । यो सहमतिले परिणाम सकारात्मक आउछ । त्यसैले सामाजिक संघसंस्थाहरुमा चुनाब भन्दा पनि राजनीतिक सहकार्य अपरिहार्य जस्तै छ । यसले समाज विकासको नयाँ मार्ग निर्देश गर्दछ ।
अहिलेको लडाई राजनीतिक दलहरुबीचको सहमतिलाई अस्वीकार गरेको भन्दा पनि काँग्रेस भित्रको लडाई छताछुल्ल भएको देखिन्छ । खास गरि यस क्षेत्रमा देखिएको अस्वस्थ प्रतिस्पर्धाले राजनीतिक दलको सहमतिमौ धक्का दिने गरेको छ । दीपक गिरी पक्षको उम्मेदवार भए, गेहेन्द्र गिरीको पक्षले बागी हाल्ने र गेहेन्द्र गिरी पक्षका उम्मेदवारहरु भए, दीपक गिरी पक्षले बागी हाल्ने विगत लामो समयदेखिको प्रचलन अहिले खानेपानीमा पनि देखिएको छ । काँग्रेस भित्रको यो समस्या नसुल्झिदासम्म यहाँको राजनीतिक सहमति इमान्दारीतापूर्वक कार्यान्वन हुने विषयमा शंका उत्पन्न हुनेछ ।
साभार : अग्रिम साप्ताहिक
लाइभदाङ । १९ पुष २०७८, सोमबार १८:१४ बजे