दाङ,१९ बैशाख ।
राप्ती राजमार्ग अन्तर्गत सल्यानकाे चोरखोला खण्ड (चेनेज ४६+८०० किमी) मा सुख्खा पहिरो जाँदा सवारी आवागमन पूर्ण रूपमा अवरुद्ध भएको छ।
बैशाख १८ गते अपरान्हतिर खसेको सुख्खा पहिरोले सडक पूर्णरूपमा बन्द भएकाे छ । हाल पहिरो हटाउने कार्यमा डोजर र प्राविधिक टोली परिचालन गरिएको छ।
सडक विभागका अनुसार केही समयमै सवारी सञ्चालन पुनः सुचारु हुने अपेक्षा गरिएको छ।
लाइभदाङ । १९ बैशाख २०८२, शुक्रबार १२:५७ बजे