जतिबेला निर्वाचन आउछ, त्यसपछि जनताका घरमा आउछन्, भन्ने नागरिकको गुनासो नयाँ होईन् । राजनीतिकदलहरुको प्रबृति नै त्यस्तै छ । अघि–पछि कुनै चासो नदेखाउने राजनीतिक दलहरु जब निर्वाचन आउछ, त्यसपछि जनता खोज्दै जान्छन् । अब तीनै तहको निर्वाचनहरु नजिकिदै छन् । नजिकिदै गएको निर्वाचनलाई लक्षित गरि राजनीतिक दलहरुले सक्रियता बढाएका छन् । गाउँ–गाउँमा चुनाब लक्षित भेलाहरु गरिरहेका छन् । भर्खरै केही दिन अघि मात्रै एमालेका नबनिर्वाचित महासचिब शंकर पोखरेल उरहरीमा कार्यक्रममा सहभागि भए । जहाँ सयौंको संख्यामा पार्टी प्रवेश गराईयो भनी प्रचार गरियो । तर, ति मध्ये धेरैजना आफ्नै पार्टी भित्रका मान्छे थिए, तर पछिल्लो समय निष्क्रिय बनेर बसेका थिए । यस्तै सक्रियता काँग्रेस, माओवादीसहित साना दलहरुले पनि देखाउन थालेका छन् ।
राजनीतिमा स्वस्थ प्रतिष्पर्धा आबश्यक छ । आफ्ना एजेण्डा जनता माझ स्वस्थ ढंगले लैजानु पर्छ । तर, त्यसो हुन सकेको छैन, एक अर्कालाई सक्दो बल प्रयोग गरेर खुइल्याउने प्रबृति बढेको छ । मुलुक सञ्चालन गर्ने राजनीतिक दलहरुले हो । राजनीतिक दलहरुबाट जनताले ठूलो आशा, अपेक्षा गरेका हुन्छन् । लामो योग्दान, त्याग, तपस्या र बलिदानीबाट मुलुकमा संघीय लोकतान्त्रिनक गणतन्त्रात्मक संविधान जारी भएको छ । विश्वकै उत्कृष्ट मानिने यो संविधानलाई पूर्ण कार्यान्वनयकालागि राजनीतिक दलहरु एकजुट हुन आबश्यक हुन्छ । राजनीतिक दलहरुलाई फुटाएर मुलुकका उपलब्धीहरुलाई ‘कोल्याप्स’ पार्ने रणनीतिमा बिभिन्न देशी, विदेशी शक्तिहरु चलमलाई रहेका छन् । यसमा सबै सजक हुनुपर्छ, जनताले पनि यो विषयमा आलोचनात्मक दबाद दिनुपर्छ ।
मुलकमा अबको एक बर्ष भित्र सबै तहको निर्वाचन हुँदैछ । यो बीचमा राजनीतिक दलहरुले आफ्ना गतिबिधिलाई चलायमान बनाउनु पर्छ नै । तर, अस्वभाबिक, अस्वस्थ तरिकाले होईन्, आफ्ना गतिबिधि जनतामाझ लैजादा सम्य तरिकाले लैजानु पर्छ । त्यसले निराश भएका जनतालाई उर्जा पनि थप्ने छ । ईमान र ईज्जतको राजनीतिमा ध्यान दिनुपर्छ । गालीगलौज होईन्, आफ्ना विकासका खाकाहरुलाई जनता माझ लिएर जनताको मन जित्ने हो । तर, जनतालाई झुक्क्याउने, जनताको मतलाई पैसा, मासु भातमा तुलना गर्ने प्रबृति राजनीतिक दलहरुमा देखिएको छ । यसले बिकास र समृद्धिमा भन्दा स्वार्थको राजनीतिमा बढि केन्द्रित हुन्छ । त्यसैले यसबाट आम नागरिक पनि सजग हुन आबश्यक छ । साभार : अग्रिम साप्ताहिक
लाइभदाङ । ५ पुष २०७८, सोमबार १५:०३ बजे