लमही, ३ पुस । दाङको देउखुरीमा स्कुल बसको ठक्करबाट मोटरसाइकल चालकको मृत्यु भएको छ । मृत्यु हुनेमा राप्ती गाउँपालिका वडा नम्बर ८ बिजौरी निवासी अन्दाजी ३२ वर्षीय कृष्णबहादुर शाही रहेको इलाका प्रहरी कार्यालय भालुबाङले जनाएको छ ।
मंगलबार राति साढे ७ बजेको समयमा रा १ प १४१८ नम्बरको गोरखा आइडियल स्कुल लालमटियाको बसले रा ५ प २६०१ नम्बरको मोटरसाइकललाई ठक्कर दिँदा शाहीको घटना स्थलमा मृत्यु भएको प्रहरीले जनाएको छ ।
आक्रोशित स्थानीयहरूले पूर्व-पश्चिम राजमार्गको बिजौरी खण्डमा सडक अवरुद्ध पारेका छन् । आक्रोशित स्थानीयहरूले एउटा ट्यांकरमा सामान्य तोडफोड समेत गरेका छन् ।
सोही खण्डमा सोमबार बेलुका मालबाहक ट्रकले मोटरसाइकल चालकलाई ठक्कर दिँदा एक युवकको मृत्यु भएको थियोे ।
लाइभदाङ । ३ पुष २०८१, बुधबार १०:३५ बजे