रुकुम पश्चिम, ६ असार । रुकुम पश्चिममा ट्याक्टर दुर्घटना हुँदा एक जनाको मृत्यु भएको छ । चौरजहारी नगरपालिका–१२, दोभानखोला नजिक भएको ट्याक्टर दुर्घटनामा परेर चौरजहारी नगरपालिका–१२, रुकुम पश्चिम का २६ वर्षिय गोपाल केसीको मृत्यु भएको हो ।
दुर्घटनामा चालक सहित अन्य छ जना घाईते भएका छन । घाइते हुनेहरूमा चौरजहारी नगरपालिका– १२ का १२ वर्षका कल्पना ओली, ४२ वर्षका बलु जैसी, ३२ वर्षका सरोज शर्मा, वडा नं. ५ का १९ वर्षका विकास कुमाइँ, लक्ष्मण कुमाइँ र वडा नं. ११ का ८ वर्षका विकास डाङ्गी रहेका छन ।
घाईतेमध्य पाँच जनालाई उपचारको लागि नेपालगञ्ज पठाईएको चौरजहारी नगरपालिकामा नगर प्रमुख पुष्प बादीले जानकारी दिनुभयो । क.प्र.०३००१ त०००१ नम्बरको ट्याक्टरले ढुंगा ढुवानी गरेर लिदै गर्दा सडकबाट तल खसेको थियो ।
लाइभदाङ । ७ असार २०८१, बिहीबार १४:०८ बजे