तुलसीपुर, २० मंसिर । दाङको तुलसीपुर उपमहानगरपालिका ३ को साततलेबाट ट्रक खसेको छ । तुलसीपुरबाट सल्यानका लागि हिडेको रा १ ख २५०१ नम्बरको ट्रक तुलसीपुर ३ को झक्रेनी थानको डाँडाबाट खस्दा दुइजना घाइते भएका छन् ।
घाइते हुनेहरुमा ट्रक चालक जिल्ला दाङ तुलसीपुर ३ राणागाँउ बस्ने ३३ वर्षीय नारायण सार्की र गाडी साहु सोही ठाउँ बस्ने २९ वर्षीय टिकाराम भुषाल रहेका छन् ।
बुधबार बेलुका ६ बजेतिर सडकदेखी खसेको प्रहरीले जनाएको छ ।
केही बर्ष पहिले विद्यार्थी सवार बस खसेको थियो । साेही स्थानदेखी नजिकैबाट ट्रक खसेको हो ।
लाइभदाङ । २० मंसिर २०८०, बुधबार १९:१३ बजे