दाङ, ३० भदौ । दाङको राप्ती स्वास्थ्य बिज्ञान प्रतिष्ठानको शब गृहमा १२ वटा शब राख्ने सकिने भएको छ । यस अघि ४ वटा मात्रै शब राख्न सकिने भएपनि अहिले त्यसलाई बिस्तार गरेर एकै पटक १२ वटासम्म शब राख्न सकिने बनाईएको प्रतिष्ठानका रजिस्ट्रार प्रा. श्याम लम्सालले बताए ।
स्वास्थ्य तथा खाद्य स्वच्छता मन्त्रालयले शव राख्न सकिने क्षमताको नयाँ शवगृह निर्माण तथा विस्तार गर्न परिपत्र गरेकाले सोही अनुसार बृद्धि गरिएको लम्सालले बताए ।
बिभिन्न प्राकृतिक विपद्का बेला एकैपटक धेरै शव आउन सक्ने अवस्थालाई ध्यानमा राख्दै स्वास्थ्य तथा खाद्य स्वच्छता मन्त्रालयले क्षमता बढाउने निर्णय गरेरे देशभरका स्वास्थ्य संस्थालाई परिपत्र गरेको हो ।
विपद्का समयमा शवको सुरक्षित संरक्षण, पहिचान, परीक्षण तथा आवश्यक कानुनी प्रक्रिया पूरा गर्न सहज हुने गरी मन्त्रालयले थप क्षमताको शवगृह निर्माण तथा विस्तारको प्रक्रिया अघि बढाउन पत्राचार गरेपछि प्रतिष्ठान योजना बनाउने तयारीमा जुटेको हो ।
लाइभदाङ । ३० भाद्र २०८३, मंगलवार ११:०६ बजे