तुलसीपुर, ९ मंसिर ।
दाङको तुलसीपुरमा ट्याक्टर दुर्घटना हुदा एकजनाको मृत्यु भएको छ । मृत्यु हुनेमा ट्याक्टरका सहचालक तुलसीपुर १९ सग्राम निवासी अन्दाजी १७/१८ वर्षीय बिराज बिक रहेको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्लले जानकारी दिनुभएको छ । दुर्घटनामा परी गम्भिर घाइते भएका बिकको राप्ती प्रादेशिक अस्पताल तुलसीपुरमा उपचारकै क्रममा शनिबार (आज) दिउँसो ३ बजेको समयमा मृत्यु भएको हो ।
प्रहरीका अनुसार सग्रामबाट सातकुले तर्फ जादै गरेको लु ३ त ९६६६ नम्बरको जोत्ने ट्याक्टर आज दिउँसो पौने २ बजेतिर तुलसीपुर १८ को सातकुलेमै अनियन्त्रित भएर दुर्घटना भएको हो ।
दुर्घटनामा परी ट्याक्टरका साहु सोही ठाउँका ३१ वर्षीय सुरेन्द्र केसी घाइते भएको प्रहरीले जनाएको छ । उहाको अहिले प्रादेशिक अस्पतालमा उपचार भइरहेको छ । ट्याक्टर साहु सोही ठाउँका २६ वर्षीय शन्तोष नेपालीलाई नियन्त्रणमा लिएर घटनाबारे अनुसन्धान गरिरहेको प्रहरीले जनाएको छ ।
लाइभदाङ । ९ मंसिर २०८०, शनिबार १७:१४ बजे