सुशील बस्नेत
तुलसीपुर,२६ साउन ।
उच्च अदालत तुलसीपुरका का. मु. मुख्य न्यायाधीश डाक्टर रत्न बहादुर बागचनले परपरागत रुपमा गरिने न्याय सम्पादनको प्रक्रियालाई थप आधुनिकरण गर्नुपर्ने बताउनु भएको छ ।
उच्च अदालत बार एकाई तुलसीपुरको सातौ साधारणसभा तथा चौथो अधिबेशन उदघाटन समारोहमा बोल्नुहुदै का.मु. मुख्य न्यायाधीश डाक्टर बागचनले साईबर अपराधका घटना व्यापक रुपमा न्यायलय आउने गरेको बताउनु भयो । साईबरकराईम अपराधका बारेमा प्रबिधिको जानकारी बार र बेन्चमा हुनै पर्ने बताउनु भयो ।
कार्यक्रममा वरिष्ठ अधिबक्ता बिष्णुमणी धितालले कानुन ब्यबसायीले पेशागत रुपमा ईमान्दारीता देखाउनु पर्नेमा जोड दिनुभयो । तर केही कानुन ब्यबसायीले आचारसंहितालाई पालाना नगर्दा सेवाग्राहीले हेर्ने दृष्टिकोण कम्जोर हुँदै गएको उहाँको भनाई छ ।
उच्च अदालत तुलसीपुरका रजिस्ट्रार याम बहादुर बुढा र उच्च सरकारी वकिल कार्यालयका सह न्यायधीबक्ता मोहन सागर बस्यालले दक्ष कानुनी ब्यबसायी उत्पादन हुन सके न्याय सम्पादनमा बिश्वास बढने बताउनु भयो । राम्रो क्षमताको कानुन ब्यबसायी नै उच्च र सर्बोच्च अदालतको न्यायाधीशमा न्युक्ती हुने कानुनी ब्यबस्था रहेको जानकारी उहाँहरूले जानकारी गराउनु भयो ।
सो अवसरमा कानुन ब्यबसायी मोहन प्रसाद धिताल र अधिकारकर्मी एवम पत्रकार सुशील बस्नेतले न्यायलय प्रतिको जनबिश्वास बढाउन बार र बेन्चले ईमानदारीता देखाउनु पर्नेमा जोड दिनु भयो ।
बार एकाईका अध्यक्ष पुष्कर बहादुर भण्डारीको अध्यक्षतामा भएको साधारणसभाको उद्घाटन सत्रमा सचिब मधुसूदन गौतमले सांगठनिक प्रतिबेदन र कोषाध्यक्ष प्रकाश रेग्मीले आर्थिक प्रतिबेदन प्रस्तुत गर्नुभएको थियो ।
उदघाट्न समारोहमा उपाध्यक्ष सुनिल धितालले स्वागत मन्तब्य र सहजीकरण सचिब मधुसूदन गौतमले गर्नुभएको थियो ।
अधिबेशनले २ बर्षे कार्यकालका लागि ११ सदस्यीय कार्यसमिति चयन गर्ने निर्वाचन समितिका संयोजक मोहन धितालले जानकारी गराउनु भयो थियो । उच्च अदालत बार एकाईमा १ महिला सहित ३२ जना कानुनी ब्यबसायी आवद्ध रहेका छ्न ।
लाइभदाङ । २६ श्रावण २०८०, शुक्रबार १५:२७ बजे