दाङ, ९ साउन । दाङ र प्युठान आसपासका वस्तीमा भारी वर्षा भएको छ । गएरातीदेखि निरन्तर वर्षा भइरहेको जल तथा मौसम विज्ञान विभागले जनाएको छ ।
विभागका अनुसार दाङको बागासोती, लालमटीया, घोराही, शुक्रबारे, लमही, भालुवाङ, रातामाटा लगायतका स्थानामा भारी वर्षा भइरहेको छ । यस्तै प्युठानको बिजुवार मारीखोला, हंसपुर र आसपासका वस्तीमा भारी वर्ष भएको मौसम विभागले जनाएको छ ।
लगातारको वर्षातका कारण राप्ती नदि, बबई नदि र खहरे खोलामा अचानक बाढी आउन सक्ने भएकाले सावधानी अपनाउन आग्रह गरिएको छ । जल तथा मौसम विज्ञान विभागले मोवाईलमा एसएमएस गरेर दिउँसोसम्म सतर्क रहन अनुरोध गरेको छ ।
लाइभदाङ । ९ श्रावण २०८०, मंगलवार ०८:५५ बजे