तुलसीपुर
६ असोज / दाङमा तीन दिन भेरोसिल खोप लगाईने भएको छ ।
यस पटक असोजथ ९ देखि ११ गतेसम्म ३२ हजार जनालाई खोप लगाउने तयारी रहेको हो । चीनबाट ल्याईएको उक्त खोप पछिल्लो चरणमा ३१ हजार डोज आएको र यस अघिको १५ सय डोज समेत गरी साढे ३२ हजार जनालाई खोप लगाउने तयारी भएको स्वास्थ्य कार्यालयका प्रमुख अंगदबहादुर शाहीले जानकारी दिए ।
यस पटक ४५ देखि ५० बर्षसम्मका र यस अघि छुटेका कक्षा १२ का विद्यार्थी सँगै ५० बर्ष भन्दा माथिकालाई लगाईने उनको भनाई छ ।
यसैबिच जिल्लामा अहिलेसम्म करिब ३४ प्रतिशतले कोरोना विरुद्धको खोप लगाएका छन् । जिल्लामा कुल जनसंख्याको करिब एक लाख ३० हजार बढीले खोप लगाएको स्वास्थ्य कार्यालय दाङका खोप फोकल पर्सन भानुज्योती वलीले जानकारी दिए ।
लाइभदाङ । ६ आश्विन २०७८, बुधबार १८:३६ बजे