तुलसीपुर, ८ चैत्र ।
दाङको तुलसीपुरमा टिप्परले मोटरसाईकललाई ठक्कर दिदा एक महिला गम्भिर घाइते भएको प्रहरीले जनाएको छ । घाइते हुनेमा मोटरसाइकलको पछाडि सवार तुलसीपुर ६ निवासी चित्र नेपाली रहेको इलाका प्रहरी कार्यालय तुलसीपुरका प्रहरी निरिक्षक पर्वत केसीले जानकारी दिनुभयो ।
उहाँका अनुसार आज बिहान साढे ८ बजेको समयमा तुलसीपुरको विद्युत कार्यालय नजिकै गोर्खा बोर्डिङबाट भूयाँरथान तर्फ जाँदै गरेको बा ५ प ७९१६ नम्बरको मोटरसाईकललाई घोराहीबाट विरेन्द्रचोक तर्फ आउँदै गरेको ना ८ ख ६५२२ नम्बरको टिप्परले ठक्कर दिदा उक्त दुर्घटना भएको होे ।
घाईते नेपालीको राप्ति प्रादेशिक अस्पताल तुलसीपुरमा सामान्य उपचार पछि थप उपचारका लागी नेपालगञ्ज रिफर गरिएको छ ।
टिप्पर चालक दंगीशरण गाउँपालिका ३ निवासी २२ वर्षिया विपिन चौधरी र मोटरसाइकल चालक तुलसीपुर १७ दुधरास निवासी ३५ वर्षका तिलक केसी प्रहरी नियन्त्रण रहेको प्रहरी निरिक्षक केसीले बताउनुभयो । दुर्घटना लगतै भागेका मोटरसाइकल चालकलाइ प्रहरीले अमिलियाबाट नियन्त्रणमा लिएको छ ।
लाइभदाङ । ८ चैत्र २०७९, बुधबार १५:०७ बजे