तुलसीपुर, ७ फागुन ।
तुलसीपुरमा मोटरसाइकल दुर्घटना हुँदा एक युवक घाइते भएका छन् । घाइते हुनेमा तुलसीपुर–५ बसपार्क निवासी ३३ वर्षका राजकुमार विक रहेको प्रहरीले बताएको छ ।
जसपुरबाट तुलसीपुर तर्फ जाँदै गरेको रा३प २५४० नम्बरको मोटरसाइकल तुलसीपुर – १२ स्थित पुकार पसल नजिकै दिउँसो सवा २ बजे अनियन्त्रीत भएर पल्टिदा उक्त दुर्घटना भएको हो ।
तिब्र गति र मापसे गरेका कारण दुर्घटना भएको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिनुभयो ।
लाइभदाङ । ७ फाल्गुन २०७९, आईतवार १५:४६ बजे