निराश पान्डे,
शान्तिनगर, ५ फागुन ।
शान्तिनगर गाउँपालिका वडा नम्बर ४ चिराघाटमा शुक्रबार भएको मोटरसाइकल दुर्घटनामा परि एक जना घाइते भएका छन।
बाघमारे देखि तुलसीपुर जाँदै गरेको बा ४१ प ८९९२ नम्बरको मोटरसाइकल शुक्रबार अपरान्ह ५ बजे तिर चिराघाटमा दुर्घटना हुदा तुलसीपुर ६ निवासी कर्ण सुनार घाइते भएको प्रहरी चौकी चिराघाटले जनाएको छ।
घाइते सुनारको खुट्टामा चोट लागेको छ । घाइते सुनारलाई उपचारका लागि तुलसीपुर पठाइएको प्रहरीले जनाएको छ, भने अन्य दुई जना सामान्य रहेको बताइएको छ।
मोटरसाइकलमा सवार तीन जना रहेको र चालक तुलसीपुर निवासी वसन्त थापा फरार रहेको र मोटरसाइकल प्रहरी चौकी चिराघाटले नियन्त्रणमा लिएको जनाइएको छ ।
लाइभदाङ । ५ फाल्गुन २०७९, शुक्रबार २१:२० बजे