स्वास्थ्यकर्मीको विरोध
दाङ
१४ भदौ / दाङको तुलसीपुर स्थित राप्ती प्रादेशिक अस्पतालका निमित्त मेडिकल सुपरिटेन्डेन्ट डा. विनोद सिंहलाई कालोमोसो दल्ने केही व्यक्तीहरुलाई पक्राउ गरिएको जिल्ला प्रहरी कार्यालय दाङले बताएको छ ।
दाङका प्रहरी प्रमुख तथा प्रहरी उपरीक्षक सुरेश काफ्लेका अनुसार हातमा पन्जा लगाएर कालो मोसो लगाउने मुख्य व्यक्तीसहित अन्य केहीलाई पक्राउ गरिएको छ । तर, कति जना पक्राउ गरियो भनेर खुलाउन चाहेना् । ‘हामीले पञ्जा लगाएर कालोमोसो लगाउने मुख्य ब्यक्तीसहित केहीलाई हिजै पक्राउ गरेका हौंं’, उनले भने‘ यस विषयमा हामीले अनुसन्धान गरिरहेका छौं, पूरा जानकारी हामी पत्रकार सम्मेलन गरेर दिनेछौं ।’
अहिले सीसी टिभि फुटेज हेरेर कालोमोसो दल्ने व्यक्तीलाई पक्राउ गर्ने र घटना संलग्न व्यक्तीको पहिचान गर्ने तयारी भइरहेको समेत उनले बताए ।‘हामीले निष्पक्ष छानविनकालागि सीसी टिभि फुटेज हेरेर अनुसन्धान गरिरहेका छौं, हामीले भाग्न सपोर्ट गर्ने व्यक्तीहरुको पनि पहिचान गरिरहेका छौं ।’
दाङका प्रमुख जिल्ला अधिकारीका अनुसार दुई जनालाई पक्राउ गरिएको छ ।
स्वास्थ्यकर्मीहरु भने तीन दिनसम्म पनि मुख्य योजनाकारलाई पक्राउ नगर्दासम्म आन्दोलन फिर्ता नलिने बताएका छन् । मुख्य योजनाकार सर्जन परियार नै भएकाले उनलाई पक्राउ गर्नुपर्ने स्वास्थ्यकर्मीको माग छ । आज(सोमबार) पनि घोराहीमा दाङका स्वास्थ्यकर्मीहरुले पर्दशन गरेका थिए ।
अहिले अतिआबश्यक बाहेक सबै सेवा ठप्प पारेर स्वास्थ्यकर्मीहरु आन्दनेलनमा छन् । गएको शुक्रबार दिउसो पोने २ बजेतिर सर्जन परियारसहित ४/५ जनाको टोलीले डा. सिंहमाथि कालोमोसो दलेको थियो । अस्पतालका कल्चर सेवा नभएको भन्दै सर्जनले कालोमोसो दलेका थिए ।
लाइभदाङ । १४ भाद्र २०७८, सोमबार २०:५७ बजे