तुलसीपुर, ७ असोज ।
दाङको तुलसीपुरमा माटोको ढिस्कोे च्याप्दा एक महिला गम्भिर घाईते भएको ईलाका प्रहरी कार्यालय तुलसीपुरले जानकारी दिएको छ । घाइते हुनेमा तुलसीपुर उपमहानगरपालिका–१८ हेमन्तपुर निबासी ४० बर्षकी बिमला रावत रहेको डिएसपी पुष्पराज मल्लले जानकारी दिनुभयो ।
वडा कार्यालय नजिकै दशैका लागि घर लिप्ने माटो खन्ने क्रममा दिउँसो ४ बजे माथिबाट खसेको माटोको ढिस्कोले च्यापेको थियो । घाइते महिलाको सातवटा करङ भाँच्चिएको अस्पतालले बताएको छ । घाइतेको राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागि नेपालगंज रिफर गरिएको छ ।
लाइभदाङ । ७ आश्विन २०७९, शुक्रबार २१:२२ बजे