मानसिंह विश्वकर्मा
बुटवल, ३१ भदौ ।
आन्तरिक मामिला, कानुन तथा सञ्चार मन्त्री तिलमराम शर्माले विपत क्षेत्रको समाचार संकलन तथा सम्प्रेसशन कार्य संवेदनशील विषयम भएकोले विपतको समाचार सम्प्रेशन गर्दा संम्वेदनशील र जिम्मेवारपूर्ण भएर सम्प्रेशन गर्नका लागि सञ्चारकर्मीहरुलाई अपिल गर्नुभएको छ ।
यस्तो विचार मन्त्री शर्माले सञ्चारकर्मीका लागि पिपत पत्रकारिता तालिमको उद्घाटन गर्दै शुक्रबार बुटवलमा बताउनुभएको हो । उहाँले सञ्चारकर्मीहरुले जहिलो पनि सत्य, तथ्यको नजिक रहेर रिपोटिङ गरी नागरिकको सुरक्षाका लागि सहयोग गर्नुपर्ने बताउनुभयो ।
उहाँले सञ्चारकर्मीहरुले आगामी दिनमा लुम्बिनी प्रदेशमा हुने विपतको घटनाहरुका लागि जिम्मेवारपूर्ण तरिकाले गरी सरकारकालाई सहयोग गर्न आग्रह गर्दै जहिले पनि नागरिकको जीवन सुरक्षामा लागेको बताउनुभयो ।
मन्त्री शर्माले समाचारको श्रोतको नजिक रहेर सत्य, तथ्यको खोजी गरी वास्तविक सूचनाको आधारमा सूचना प्रवाह गर्दा आफू र समाजको हित हुने भन्दै त्यसमैमा अडिग रही कार्य गर्नुपर्ने बताउनुभयो । प्रदेशवासी जनताको विपतरहित बनाउनेका लागि लागेको समेत बताउनुभो ।
आन्तरिक मामिला, कानून तथा सञ्चार मन्त्रालयको आयोजना यूनेसेफको व्यवस्थापनमा भएको कार्यक्रममा मुख्यमन्त्रीका प्रेस संयोजक मानसिंह विश्वकर्मा, नेपाल पत्रकार महासंघ लुम्बिनी प्रदेशका महासचिव विक्रम खड्का, यूनेसेफका प्रतिनिधि शंकर पोख्रेलले शुभकामना मनतव्य दिनुभएको थियो ।
आन्तरिक मामिला, कानून तथा सञ्चार मन्त्रालयका सचिव कोमल प्रसाद धमलाको अध्यक्षतामा भएको थियो भने कार्यक्रमको सञ्चालन मन्त्रालयका सञ्चार शाखा कार्यक्रम अधिकृत रविन केसीले गर्नुभएको थियो । कार्यक्रमका सहभागीतालाई आन्तरिक मामिला, कानून तथा ससञ्चार मन्त्रालयका दामोदर भण्डारीले स्वागत गर्नुभएको थियो ।
यस कार्यक्रम लुम्बिनी प्रदेशभित्रका जिल्लाहरुबाट सहभागीता रहेको छ । सञ्चारकर्मीहरुका लागि विपत पत्रकारिता तालिम २ दिनसम्म चल्नेछ । सो तालिमको प्रमुख सहजकर्ता रुपेश श्रेष्ठले गर्नुहुने भएको छ । यस तालिमले सञ्चारकर्मीहरुको क्षमता अभिवृद्धी हुने आशा व्यक्त गरिएको छ ।
लाइभदाङ । ३१ भाद्र २०७९, शुक्रबार १२:२२ बजे