तुलसीपुर,२५ भदौ।
तुलसीपुर उपमहानगरपालिका १६ फचकलुवामा रहेको पिपल चौतारी कृर्षि सहकारी संस्थाको आज १०औं साधारणसभा भएको छ । तुलसीपुर उपमहानगरपालिकाका उपप्रमुख स्यानी चौधरीले सहकारीमा थोरै लगानीबाट भविष्यमा धेरै पुँजी हुने बताईन् । उनीले विभिन्न युवाहरुले रोजगारी पाउने र गाउँ समाज पनि विकसित हुनेमा जोड दिइन् ।
त्यस्तै तुलसीपुर उपमहानगरपालिका वडा नं.१६ का वडाध्यक्ष शिवानन्द डाँगीले सहकारीले जनताको विरुद्धमा काम गर्न नहुँने बताए । उनले समान काम गर्ने सहकारीहरु मर्ज हुन आबश्यक रहेको समेत उनले बताए ।
वडामा ६ वटा सहकारी भएको भन्दै एउटै उद्देश्य, कार्यक्रम एउटै भए मर्ज हुनुपर्ने बताए । सबै सहकारी संस्थाहरुलाई एउटा बनाएर कार्यसमिति एउटा बनाएमा सहकारीलाई समृद्ध बनाउन लाग्नु पर्ने समेत उनको भनाई छ ।
संस्थाका उपाध्यक्ष कविराम वलीको स्वागत मन्तव्य बाट सुरु भएको कार्यक्रमको सहजीकरण संस्थाका सचिव यज्ञमुर्ति गौतमले गरेका थिए । संस्थाका कोषाध्यक्ष रुद्रबहादुर खत्रीले आर्थिक र अध्यक्ष अमरबहादुर खड्काले प्रगति प्रतिवेदन प्रस्तुत गरेका थिए ।
यसैबिच सभाले खड्काकै अध्यक्षतामा ९ सदस्यीय नयाँ कार्यसमिती चयन गरेको छ । जस्को उपाध्यक्षमा कविराम वली, सचिवमा यज्ञमुर्ति गौतम, कोषाध्यक्षमा रुद्धबहादुर केसी रहेका थियो । त्यस्तै सदस्यहरुमा कमल खड्का, शोभा केसी, खुमा बुढाथोकी, लिलाधर केसी र कल्पना सुनार चयन भएका छन् । त्यस्तै रमेश बहादुर बस्नेतको संयोजकत्वमा ३ सदस्यीय लेखा समिती समेत गठन गरेको छ । जसको सदस्यहरुमा कृति बहादुर डाँगी र बिरबल केसी चयन भएका छन् । संस्थाको हालको पुँजी ३७ लाख ३० हजार रहेको संस्थाले जनाएको छ ।
लाइभदाङ । २५ भाद्र २०७९, शनिबार २२:१४ बजे