तुलसीपुर, १ भदौ ।
सल्यानमा पानी भनेर एसिडले मुख धुने क्रममा एक पुरुष घाईते भएका छन । घाईते हुनेमा रोल्पाको रुन्टिगढी गाँउपालिका घर भई हाल कुमाख गाँउपालिका २ खारखोलास्थित जयराम बुढाथोकीको घरमा बस्दै आउनुभएका ५३ बर्षिय बिर बहादुर घर्ती रहेको जिल्ला प्रहरी कार्यालय सल्यानले जानकारी दिएको छ ।
प्रहरीका अनुसार बुढाथोकी ५/६ महिनादेखि रेजिन एण्ड टप अप खोटो संकलन खोटो कम्पनीमा काम गदै आएको प्रहरीको भनाई छ । बुधबार दिउँसो १२ बजे एसिडले मुख धुने क्रममा टाउको र मुख जलेको प्रहरीले बताएको छ । घाईते घर्तीलाई उपचारको लागि चौरजहारी रुकुम पश्चिम तर्फ पठाउने तयारी भएको जिल्ला प्रहरी कार्यालय सल्यानका प्रहरी नायव उपरीक्षक सुमित खड्काले जानकारी दिनुभएको छ ।
साथै ३ लिटर एसिड समेत प्रहरीले बरामद गरेको छ । उक्त घटनापछि जिल्लाका विभिन्न स्थानबाट एसिड नियन्त्रणमा लिने काम भएको उपरीक्षक खड्काले बताउनुभयो । हिजो मंगलबार मात्रै सल्यानमा आफ्नै दाइले एसिड प्रहार गर्दा तिन जना घाईते भएका थिए ।
लाइभदाङ । १ भाद्र २०७९, बुधबार १७:१३ बजे