तुलसिपुर, २७ चैत ।
घोराही उपमहानगरपालिका–८ वनगाउँमा मोटरसाइकल दुर्घटना हुँदा आमाको मुत्यु भएको छ भने छोराछोरी घाईते भएका छन । एकै घरका तिन जना सवार मोटरसाइकल दुर्घटना हुदा आमा ३४ बर्षीय प्रमिला हमालको मुत्यु भएको छ भने छोरा मोटरसाइकल चालक १९ वर्षीय रोहन हमाल र १६ वर्षीया छोरी सविना हमाल घाइते भएको जिल्ला प्रहरी कार्यलय दाङले जानकारी दीएको छ ।
घाईते भएका दाजु बहिनीको राप्ति स्वास्थ्य बिज्ञान प्रतिष्ठान घोराहीमा उपचार भइरहेको प्रहरीले बताएको छ । घोराहीको कटुकीबाट नारायणपुर बजार आउँदै गरेको रा १ प ८३८६ नम्बरको मोटरसाइकल गए राति ९ बजे दुर्घटनामा परेको प्रहरीले बताएको छ ।
लाइभदाङ । २७ चैत्र २०७८, आईतवार १८:४७ बजे