दाङ, १६ असोज ।
नेपाली कांग्रेसका पूर्वमन्त्री दीपक गिरी पार्टीको १५औँ महाधिवेशनका लागि केन्द्रीय महाधिवेशन प्रतिनिधिमा निर्वाचित भएका छन्। गिरी खस–आर्यतर्फबाट ९०७ मत प्राप्त गर्दै महाधिवेशन प्रतिनिधिमा निर्वाचित भएका हुन्।
खस–आर्यतर्फ अन्य प्रतिस्पर्धीलाई पछि पार्दै गिरीले भारी मत प्राप्त गरेका हुन्। पार्टीभित्र लामो समयदेखि सक्रिय गिरीले यसपटक पनि महाधिवेशन प्रतिनिधिमा निर्वाचित हुँदै आफ्नो राजनीतिक निरन्तरता कायम राखेका छन्।
गिरी यसअघि नेपाली कांग्रेसको केन्द्रीय सदस्यका रूपमा समेत जिम्मेवारी सम्हालिसकेका छन्। उनले पार्टीको विभिन्न तहमा रहेर संगठन निर्माण तथा राजनीतिक गतिविधिमा सक्रिय भूमिका निर्वाह गर्दै आएका छन्।
पूर्वमन्त्रीसमेत रहेका गिरी कांग्रेसभित्र अनुभवी नेताका रूपमा परिचित छन्। १५औँ महाधिवेशनका लागि खस–आर्यतर्फबाट ९०७ मतसहित निर्वाचित भएपछि उनका समर्थक तथा शुभेच्छुकहरूले बधाई तथा शुभकामना व्यक्त गरेका छन्।
लाइभदाङ । १६ आश्विन २०८३, शुक्रबार १०:०८ बजे