दाङ,५ माघ ।
दाङको लमही नगरपालिका वडा नं. ७ स्थित सम्राट सिमेन्ट उद्योगमा काम गर्ने एक मजदुरको पुुरिएर मृत्यु भएको छ । लमही नगरपालिका–७ कमानपुर निवासी ३६ वर्षीय अरविन्द चौधरीको माटोको ढिस्को खस्दा पुरिएर मृत्यु भएको वडा प्रहरी कार्यालय लमहीले जनाएको छ।
घटनामा परेर लमही नगरपालिका–७ हसनापुर निवासी शंकर चौधरी घाइते भएका छन् । उनको लमही अस्पतालमा प्राथमिक उपचार पछि थप उपचारको लागि नेपालगन्ज लगिएको छ ।
घटना बारे प्रहरीले अनुसन्धान थालेको जनाएको छ। उद्योगको पावर प्लान्टका काम हुदै थियो ।
त्यहाँ ठूलो खाडल खनिएको थियो । काम गर्ने क्रममा माटोको ढिस्को खस्दा दुई जना पुरिएका थिए।
लाइभदाङ । ६ माघ २०८२, सोमबार २०:०४ बजे