तुलसीपुर
६ माघ / दाङको तुलसीपुर स्थित दुई निर्माण कम्पनी कालोसूचिमा परेका छन् । तुलसीपुरस्थित बालन ब्रदर्स कन्स्ट्रक्सन एण्ड सप्लायर्स, बरदान कन्सल्टेन्ट एन्ड कन्स्ट्रक्सन प्रालिलाई कालो सूचिमा राखिएको हो । सम्झौताअनुसार निर्माण पूरा नगरेको भन्दै सार्वजनिक खरिद अनुगमन कार्यालयले बिहीबार एक सूचना जारी गर्दै कालोसूचीमा राखिएको जनाएको हो। उनीहरुकालागि एक÷एक बर्षकालागि कालोसूचिमा राखिएको हो ।
उक्त कार्यालयको बुधबार बसेको बैठकले आजदेखि लागू हुने गरी ती निर्माण कम्पनीलाई सार्वजनिक खरिद ऐन, २०६३ को दफा ६३ को उपदफा (१)बमोजिम एक वर्षदेखि तीन वर्षसम्मका लागि कालोसूचीमा राख्ने निर्णय गरेको थियो।
त्यस्तै सल्यानस्थित पूर्वाधार विकास कार्यालयको सिफारिसमा काठमाडौंको महाराजगन्जस्थित आरोग्य कन्स्ट्रक्सन प्रालिलाई तीन वर्षका लागि र दाङको घोराहीस्थित राप्ती स्वास्थ्य विज्ञान प्रतिष्ठानको सिफारिसमा काठमाडौंकै हाँडीगाउँस्थित डाइग्नोकेस जय शम्भु जेभीलाई पनि दुई वर्षका लागि कालोसूचीमा राखिएको हो। अनामनगरस्थित ग्रीन टेक प्रोजेक्ट प्रालि, बाँकेको सोनारीस्थित एसएनसी निर्माण सेवा प्रालि र लुम्बिनीको रुपन्देहीस्थित शाह निर्माण सेवा कम्पनीलाई एक/एक वर्षका लागि कालोसूचीमा राखिएको छ।
कालोसूचीमा परेका कम्पनीले कालोसूची अवधिभर सरकारी निकायको कुनै पनि खरिद तथा निर्माणका कार्यमा भाग लिन पाउनेछैनन् । कालोसूचीमा राख्नुभन्दा अगाडि सम्झौता भएका कार्य भने निरन्तर हुने कार्यालयले जनाएको छ।
लाइभदाङ । ६ माघ २०७८, बिहीबार १८:०६ बजे