तुलसीपुर
२५ पुस / दाङमा मोटरसाईकल र टिप्पर ठोक्किदा एक जनाको मृत्यु भएको छ । शनिबार राति पौने ७ बजेतिर तुलसीपुरबाट घोराही जाँदै गरेको रा २ प १८४० नम्बरको मोटरसाईकल र सोही दिशा तर्फ जाँदै गरेको अस्थायी नम्बर प्लेट लु अ प १२५६ नम्बरको जीपसंग ठोक्किएर अनियन्त्रित भई विपरित दिशातर्फबाट आउँदै गरेको ना ७ ख ५३१२ नम्बरको टिप्परसंग ठोक्किदा मोटरसाईकल चालकको मृत्यु भएको हो ।
घोराही ११ बुकालीडाँडा नजिकै दुर्घटना हुँदा गम्भीर घाइते भएका चालक घोराही १० निवासी ५३ बर्षीय पदम बस्नेतको राप्ती स्वास्थ्य विज्ञान प्रतिष्ठानमा उपचारको क्रममा मृत्यु भएको हो ।
जिल्ला प्रहरी कार्यालय दाङका प्रहरी प्रवक्ता मुकुन्द रिजालका अनुसार सोहि ठाउँ बस्ने ४६ बर्षीय मदन बस्नेत र घोराही ११ बस्ने ४६ बर्षीय टेक बहादुर बस्नेत घाईते थिए । घाईते मध्ये मदनको सामान्य उपचार पछि शनिबार राति नै डिस्चार्ज भएको हो भने टेकबहादुरको थप उपचारकालागि कोहलपुर रेफर गरिएको छ । प्रहरीले जिप चालक र टिप्पर चालकलाई नियन्त्रणमा लिएको छ ।
लाइभदाङ । २५ पुष २०७८, आईतवार १०:०९ बजे