तुलसीपुर
१८ पुस / तुलसीपुर खानेपानी उपभोक्ता तथा सरसफाई संस्थाको नयाँ नेतृत्व चयनकालागि भएको निर्वाचनको मतपरिणाम अनुसार ९ दलिय गठबन्धनले अग्रता कायम गरेको छ । अध्यक्षमा यमकान्त भण्डारीले १०१२ मत प्राप्त गरेका छन्, भने उनका निकटतम प्रतिद्वन्दी पवनराज बुढाथोकीले ८५८ मत प्राप्त गरेका छन् । त्यस्तै अध्यक्षका अर्का उम्मेदवार दीपक कुमार धितालले १३५ मत प्राप्त गरेका छन् ।
त्यस्तै उपाध्यक्षमा सीताराम शर्माले ११६७ मत प्राप्त गरेका छन्, भने उनका निकटतमप्रतिद्वन्दी गिरीधारी प्रसाद पौडेलले ७११ मत प्राप्त गरेका छन् । अर्का उम्मेदवार पूर्णप्रसाद धितालले २७ मत प्राप्त गरेका छन् ।
यस्तै सचिबमा सेवकराम भण्डारीले १४२६ मत प्राप्त गरेका छन्, भने उनका निकटतम प्रतिद्वन्दी दामोदर लामिछानेले ३२४ मत प्राप्त गरेका छन् ।
कोषाध्यक्षमा भद्रबहादुर वलीले ८२३ मत प्राप्त गरेका छन्, भने उनका निकटतम प्रतिद्वन्दी भोलाप्रसाद थापाले ८१५ मत प्राप्त गरेका छन् । त्यस्तै कोषाध्यक्षका उम्मेदवार मेघराज न्यौपानेले १४० मत प्राप्त गरेका छन् भने कर्णबहादुर वलीले ३६ मत प्राप्त गरेका छन् ।सदस्यहरुमा लक्ष्मण केसीले १३१५ मत प्राप्त गरेका छन्, पदमबहादुर खड्काले १०६७ र शोविन्द्र चन्दले ६१४ मत प्राप्त गरेका छन् ।
गठबन्धनले अध्यक्षमा काँग्रेसका भण्डारी,उपाध्यक्षमा माओवादी केन्द्रका शर्मा, सचिबमा एमालेका भण्डारी, कोषाध्यक्षमा विप्लव नेकपाका भद्रबहादुरलाई उम्मेदवार बनाएको थियो । त्यस्तै सदस्यहरुमा राप्रपाका लक्ष्मण केसी र समाजवादीका पदमबहादुर खड्कालाई उम्मेदवार बनाएको थियो ।
अध्यक्षमा काँग्रेका बुढाथोकीले वागी उम्मेदवार हालेका थिए, भने उपाध्यक्षमा काँग्रेसका दुईजना, सचिबमा एमालेका लामिछाने र कोषाध्यक्षमा काँग्रेसकै न्यौपाने र थापा एवं सदस्यमा शोविन्द्र चन्दले राजनीतिक दलका विरुद्ध उम्मेदवारी हालेका थिए। कोषाध्यक्षका उम्मेदवार कर्णबहादुर वलीले भने आफ्नो समर्थन गठबन्धनको आधिकारिक उम्मेदवारलाई दिएका थिए ।
लाइभदाङ । १८ पुष २०७८, आईतवार ०७:०१ बजे