तुलसीपुर, २९ कात्तिक । दाङ तुलसीपुर उपमहानगरपालिका वडा नं. ४ मा वडाध्यक्ष कप खेलकूद प्रतियोगिता सुरु भएको छ । विहीबार तुलसपुर उपमहानगरपालिकाका प्रमुख टिकाराम खड्काले प्रतियोगिता उद्घाटन गरेका हुन् ।
त्यस अवसरमा प्रमुख अतिथि खड्काले खेलकूदको विकासकालागि वडाले खेलेको भूमिकाको प्रशंसा गरेका थिए । वडाध्यक्ष तुलसी थापा मगरको अध्यक्षतामा भएको कार्यक्रममा उनले खेल क्षेत्रको विकासकालागि सबै लाग्नु पर्ने समेत बताएका थिए ।
कार्यक्रममा बिशिष्ट अतिथि तुलसीपुर उपमहानगरपालिका वडा नंं.१६ का वडाध्यक्ष शिवानन्द डाँगी, वडा नं.११ का अध्यक्ष मानबहादुर रावतलगायतले मन्तब्य ब्यक्त गरेका थिए । वडा सदस्य दामोदर न्यौपानेले स्वागत मन्तब्य ब्यक्त गरेको कार्यक्रमको सहजीकरण वडा सचिब भरतकुमार बुढामगरले गरेका थिए ।
विहीबार भएको फुटबल प्रतियोगितामा न्याउली सामुदायिक बनलाई मुलपानी सामुदायि बनलले पराजित गरेको छ । जसमा म्यान अफ द म्याच समर्पन थापा भएका छन् । उनी मुलपानी सामुदायिक बनका खेलाडी हुन् ।
त्यस्तै खुजुवारानी सामुदायिक बनलाई गाडीबहरा सामुदायिक बनले पराजित गरेको छ । फुटबलमा ७ वटा सामुदायिक बनले सहभागिता जनाएका छन् ।
त्यस्तै स्वयंसेविका तर्फ कुर्सी दौडमा धनकुमारी भट्टराई विजयी भएकी छन् । खाद्रे खेल मैदानमा रस्साकस्सी प्रतियोगिता, टोल विकास संस्था स्तरीय भाले छोपाई, आमा समूह स्तरीय घैटाफोर प्रतियोगिता हुने छ । खेल मंसिर १ गतेसम्म चल्ने छ ।
लाइभदाङ । २९ कार्तिक २०८१, बिहीबार २१:०९ बजे