तुलसीपुर, ५ कात्तिक । दाङ तुलसीपुर उपमहानगरपालिकाले नगर प्रहरीको नतिजा सार्वजनिक गरेको छ ।
आईतबार नतिजा सार्वजनिक गरेको हो । यो संगै उपमहानगरपालिकाको पनि नगर प्रहरी हुनेछन् । उपमहानगरपालिकाका प्रमुख प्रशासकीय अधिकृत गेहेन्द्र बहादुर डाँगीका अनुसार प्रहरी नायब निरीक्षक एक जना, नगर प्रहरी सहायक निरीक्षक एक जना, नगर प्रहरी हवलदार २ जना र नगर प्रहरी जवान ११ जना प्रहरीको नतिजा सार्वजनिक गरेको हो ।
स्थानीय सरकार सञ्चालन ऐन बमोजिम स्थानीय तहहरुले पनि नगर प्रहरी भर्ना गर्दै आएका छन् । उपमहानगरपालिकाले नगर प्रहरी सञ्चालन तथा ब्यबस्थापन ऐन बनाएर भर्ना सुरु गरेको हो ।
उपमहानगरको १४ औं नगर सभाको दोस्रो बैठकले संशोधन सहित नगर प्रहरी ऐन पारित गरेसंगै नगर प्रहरी भर्ना गर्ने बाटो खुलेको हो । घोराही उपमहानगरपालिकाले २०७६ मै नगर प्रहरी भर्ना गरेको थियो ।
लाइभदाङ । ५ कार्तिक २०८१, सोमबार ०८:५१ बजे