दाङ, २५ असोज । रोल्पामा जीप दुर्घटनामा परि एक जनाको मृत्यु भएको छ ।
रोल्पाको माडी गाउँपालिका – ४ खस्रडाँडाका २५ बर्षीय अर्जुन डाँगीको जीप दुर्घटनामा परि मृत्यु भएको जिल्ला प्रहरी प्रबक्ता प्रहरी निरीक्षक रोहितकुमार यादवले जानकारी दिए ।
गएराति दशबजेतिर रिजावाट घर्तीगाउँ तर्फ जाँदै गरेको लु १ ज ४५८० नम्बरको जीप राजीवाङ – घर्तीगाउँ भित्री सडक खण्ड अन्तरगत माडी – ४ आरुवा भन्ने स्थानमा राति दश बजेतिर दुर्घटनामा परेको थियो । दुर्घटनाको खवर पछि प्रहरी राति १२ बजेतिर मात्रै घटनास्थल पुगेको थियो ।
भिरवाट ६५ मिटर तल खसेको जीप संगै प्रहरीले अचेत अवस्थाका अर्जुनलाई स्थानीयले उद्धार गरि स्थानीय मेडिकलमा पु¥याएका थिए । त्यहाँ प्रारम्भीक उपचार पछि थप उपचारका लागि जिल्ला अस्पताल रेउघा पठाएकोमा चिकित्सकले चेकजाँचका क्रममा बिहान सवा २ बजेतिर मृत घोषणा गरेका थिए ।
प्रहरीका अनुसार जीपमा तीन जना सवार थिए । अन्य दुई जना गाडी दुर्घटना हुनु भन्दा पहिलै भाग्न सफल भएका थिए । दुर्घटनाको कारण खुली नसकेको प्रहरीले जनाएको छ
लाइभदाङ । २५ आश्विन २०८१, शुक्रबार ०८:५९ बजे