शिव पुन
दाङ, २० असोज ।
चलचित्र द्रौपदीको फस्ट लुक सार्वजनिक भएको छ । पोस्टरमा हिमाली भेगको गाउँमा एक युबतीले पानीको घैटो कम्मरमा बोकेको देख्न सकिन्छ । दशैको पहिलो दिन अर्थात् घटस्थापनाको दिन चलचित्रको पोस्टर सार्वजनिक गरिएको हो । चलचित्रका निर्माता मध्यका एक निर्माता प्रकास ज्ञवाली हुन् । स्थायी घर पाल्पा भएका प्रकास पेशाले उनी मेडिकल ब्यबसायी हुन् । सानैदेखि चलचित्रमा रुचि राख्ने प्रकास एउटा उत्कृष्ट कथा पाएमा चलचित्र बनाउने सोचमा थिए । त्यो सपना तब पूरा भयो जब उनले निर्देशक ऋषिराज आचार्यको एउटा कथा सुने ।
‘चलचित्र द्रौपदी अन्तर्राष्ट्रिय बजारलाई समेत मध्यनजर गरि निर्माण भैरहेको छ । द्रौपदीको कथावस्तु यसको कलाकार छनोट अनि यसको लोकेसनको बारेमा बुझ्दा मलाई अत्यन्तै प्रभावित बनायो । त्यसैले म यस चलचित्रमा लगानी गर्न तम्सिए ।’ प्रकाश भन्छन् ‘यसैपनि चलचित्र लेखक, निर्माता तथा निर्देशक ऋषिराज आचार्य एक शिक्षित ब्यक्तिक्त्व , चलचित्र सेन्सर बोर्ड बिज्ञ सदस्य, अनुभवी निर्देशक उहाँ जत्तिको निर्देशकले बनाएको चलचित्र पक्कै उत्कृष्ट हुन्छ । यहि बिश्वास स्वरुप म पनि चलचित्र “द्रौपदी”को पार्टनर बनेको हु । अब म निरन्तर चलचित्र निर्माणमा लाग्नेछु ।’
हाल सिनेमा बजारमा अर्गानिक चलचित्रको माग अत्यधिक रहेकाले ‘द्रौपदीले बजार तताउन सक्ने आकलन प्रकाशको छ। ‘चलचित्रको कथा उत्कृष्ट छ । लोकेशन कल्पना भन्दा माथीको अत्यन्तै सुन्दर अर्थात् भर्जिन छन् । यत्तिको चलचित्र नेपाली दर्शकलाई अवस्य मनपर्छ ।’ उनी भन्छन् ‘यसै चलचित्रबाट आस्विनी शाही , जेल्सन अधिकारी, सुजाता तिमल्सिना जस्ता प्रतिभावान कलाकारहरूले डेब्यु गरेका छन् तसर्थ पनि चलचित्र बिशेष हुने देखिन्छ ।’
चलचित्र ‘द्रोपदी’मा ऋषिराज आचार्य , आश्विनी शाही , रबि ओड , कबिराज भाम , जेल्सन अधिकारी , सुजाता तिमल्सिना , बिस्णु ठडराई (सुबास) , प्रकाश ज्ञवाली ,सीता बौडेल , सुरज अधिकारी लगाएत कलाकारहरुको अभिनय रहेको छ । रबि ओडको संगीत रहेको यस चलचित्रमा मोहन कुमार झिल्लुको छायांकन रहेको छ । ऋषिराज आचार्य र प्रकाश ज्ञवाली निर्माता रहेको यस चलचित्रका सह निर्माता सुबास ठडराइ हुन् । चलचित्रमा कथा, पटकथा, सम्बाद , गीत तथा निर्देशन ऋषिराज आचार्यको रहेको छ ।
चलचित्रको प्रदर्शन मिति चाडैं घोषणा गर्ने कुरा निर्माता ज्ञवालीले स्पष्ट पारे । स्मरण रहोस् “द्रौपदी”को प्रदर्शनपछि घोषणा गर्नेगरी निर्माता प्रकाश र निर्देशक आचार्य अर्को एक नयाँ चलचित्रको तयारी जुटिसकेका छन् । हाल सो चलचित्रको स्कृप्टमा काम भइरहेको छ।
लाइभदाङ । २० आश्विन २०८१, आईतवार १२:५२ बजे