तुलसीपुर, ९ भदौ । दाङको तुलसीपुरमा खानेपानी लिन खोलामा गएकी महिला मृत फेला परेकी छन् ।
रोल्पा रुन्टिगढी गाउँपालिका ६ बेतनी निवासी ४३ वर्षीया बसन्ती सार्की गएको बुधबार तुलसीपुर १९ सुन्दरखोला स्थित पानी लिन भनि निस्केकोमा घर नफर्किएपछि खोजी गर्दा शनिबार मृत फेला परेकी हुन् ।
शनिबार दिउसो ३ बजेतिर घरदेखि करिब ४ किलोमिटर तल तुलसीपुर १९ दुम्रीचौर स्थित ग्वारखोलाको सहायक हङगालामा मृत अबस्थामा फेला पारेको इलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिए ।
लाइभदाङ । ९ भाद्र २०८१, आईतवार ०८:५१ बजे