तुलसीपुर, १७ साउन । दाङमा घरको सिडिबाट लडेर एक महिलाको मृत्यु भएको छ ।
सल्यानको कपुरकोट गाउँपालिका–३ घरभई अहिले तुलसीपुर–५ (ङ) लाइनमा कोठा भाडामा बस्दै आएकी ४२ वर्षीया तिला परियारको सिडिबाटट लडेर मृत्यु भएको हो ।
इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाका अनुसार बिहान साढे ७ बजेतिर सिडिबाट लडेर गम्भीर घाइते भएकी तिलाको राप्ती प्रादेशिक अस्पताल तुलसीपुरमा सामान्य उपचार पछि थप उपचारकालागि कोहलपुर मेडिकल कलेजमा लगिएको अबस्थामा मृत्यु भएको हो ।
लाइभदाङ । १७ श्रावण २०८१, बिहीबार १९:४३ बजे